l avis dech' Zeff

savez j' su armonté à bruay, oh j a pas fait grand cosse j' vous zexpliqu'rai cha plus tard, mais j a t'nu à aller vire ch' zeff
d abord j' l avo vu l' vele, i éto such' trottoir , s' main su sin front à raviser si ch' facteur i armuo ché puches pour donner ch' courrier, ché là qu' l a vu, j y a dis que j allo aller l' vire, j y a d'mindé si j' pouvo passer l' soir à six heures, nan qui m a dit j' s'rai dinch' brouillard qui m a dit , viens d' main matin
donc mi l aprés midi j a été acaté intre autre eune belle fleur pour l' femme ach' zeff et j m a présinté l'lend'main au matin as' mason
bon j' l a djà dit ché un rituel, té do boire eune pelforth brune à 10 h au matin, mais bon mi cha m' fait pas peur cha .....
et ch' zeff i a toudis un avis, in parlo de ch' t homme qui faijo l' gardin à mon dem' mère et là j a eu sin avis d espert
"nan chtilale ché du sérieux, d abord j' le vo bin, quand qui fuit ch' gardin, bin ch' louchet i rinte dins l' terre au moins jusque là " i monte avec s' main, alors savez si l' louchet i rinte dinl' terre jusqu al' hauteur del paume ach' zeff, ché du sérieux , pasque ch' zeff ché nin des mains qui a mais des battoirs

oh j' voudro pas qui m artourne eune bargnouffe , cha claqu' ro mes gins
pi ch' zeff i continue , "ouais pi té sais , ch' l homme qui fait sin gardin, bin in n a qui essaie ed li parler bin i dit vite bon j y artourne "
j a pas dit ach' zeff que j éto sur que chéto lo qui devo essayer d'li t'nir ch' crachoir, mais cha faut pas et' sorti d' saint cyr ......
pi i rajoute " chti qui faijo cha avant , un coup j' le raviso artourner l' terre, quand que j' dis artourner, j y a meme dit "eh té prindro eune pelle à tarte cha suffiro ...." " oh pi chtilale eune babelle , i commincho at' parler i s arreto pas "
alors chi ché ch' zeff qui dit cha pouvez l' croire, cha veut dire que pour un coup i avo trouvé sin maite.....