j'a pas veillé mais ...
par marie claire le, 24/12/2006minloute vous a dit exactement c'que j'auros dit sur note collaboration, j'sus mi aussi convaincue qu'in aurot pas pu faire un site comme cha l'un sans l'aute, in est bien complèmintaire et in est dins l' même état d'esprit par rapport à ch'site, qu'in partage l' même passion et enfin in peut l'dire qu'in s'intind bien et qu' ché important quand in travale in commun
quant au millionnième visiteur, chétot même pas dins nos refes in février 2005, mais j' vas aussi ardire c' que j'a dit eune paire d' fos, mi j'garde l' même "innocence" , el même enthousiasme d'vant histoires de chtis, j' veux dire que pour mi ché toudis l' même site, j'diros qu'ché un peu comme un tchiot qu'in vot pas grandir ...
in résumé in reste modestes mais cha, comme j'a déjà dit à minloute, ché dins nou nature in nous cangera pus
Un grand merci à tertous, contributeurs, visiteurs, sympathisants ch'tis
et j'vas armercier aussi tous chés gins avec qui j'a des contacts, pour information, pour envois d' sujets et d'photos, des contacts par mails toudis très sympathique, et cheux qui pensent à nous à certaines occasions comme Noël, par exempe, et qui m'invotent des sympathiques messaches
minloute a raison j'fais moins d'sujets et j'fais plutôt l'traval arrière et cha m'permet aussi d'avoir des contacts avec gramint d' personnes
in tout cas in a appris gramint d'pis qu'in a créé l' site, j'in apprinds tous les jours sur les mines, la vie du mineur et chés villes et plein d'autes cosses et pour cha aussi in peut armercier tous chés contributeurs
allez j'arsouhaite à tertous un Joyeux Noël et des bonnes fêtes d' fin d'année