cha y est in a mingé
par minloute le, 24/12/2006ouf et pas d' blessé.... entre aute , grand mère ale avo acaté des zuites d arcachon....
j sais nin chi ché la porution, ou alors qu in a mis sul' marché l' banc et l arriere banc des zuites , mais alors dins l' bourriche comme j a dis à grand mère "eh ché quo comme tale equ' t as pris" in a ravisé sul' boite chéto nin marqué alors j y a dis "mi j' cro bin qu' t as pris l' classe ed maternelle" et in plus ché vrai , i n ' avo eune plus grante dins l' boite " eh ravisse ej dis pas d' cacoules, chele la ché la maitresse...."
in in rigole mais quand qui a fallu z' zouvrir, comme chéto nin facile j avo l impression d essayer d ouvrir un mini téléphone portape à chaque coup, mais in avo pris nos précautions, rap'lez vous mes gins, prévoir ché déjà ne pas gémir , j vous raconte el' scéne
mi dins l' cuisine in train d essayer d ouvrir ché miniatures d'huites , m' femme au bord du salon, l' trousse d' premiere intervention dins ses mains, ch' grand dins s' carette , moteur in route, pret à m im' ner aux zurgences , mais comme j' su un grand professionnel, y a pas eu d' blessé (j' dis pasqui n a pas eune paire que j a pas armis d' rache dins l' bourriche....)