merci à frette

in a fait ch' point sul'vie du site , et j a oublié d' armercier frette
là j a des scrupules, pasque j a eu des nouvelles d' li bin hier , i a été héroique

frette , j' rappelle à ceux qui l' connaissent te pas, ché la partie "moteur" du site

comme in est un tchiot site et qu in veut pas qui a des sponsors, des publicités qui apparaissent sul' site , bin in a pas grinmint d' sous et l' connection du serveur as' mason ché du bidouillache
direz que comme i ramasse ché poubelles, i a l occasion d artrouver des bouts d' cables pour pouvoir faire ché branch' mints, mais ché quand meme ed' l artisanat
l antenne parabolique qui arlit ch' site à internet ché eune antenne espéciale, ché un ancien "tancarville" , un étendoir à linche pliaple du que d' sus i a branché deux fils et tout cha arlié à ch' vélo du qui do pédaler pour faire monter ch' courant

hier , i a du mérite, faut dire que cha a comminché par eune engueulate, ouais i voulo pas hier s armette such' vélo, i diso eh ché noel, mi aussi j a dro à m arposer

marie claire ale li a fait comprinte que histoires de chtis chéto comme un service public , et qui fallo pinser à ché gins qui eux , s artrouffent tout seu l' soir ed noel et qui passent comme cha such' site pour lire deux tro cacoules et que si cha peut leur armonter l' moral bin ché l' plus bio cadeau d' noel qu in pourro leur faire

bon frette i hésito cor à peine, alors marie claire a li a montré eune gougoutte, alors là i s a armis tout d' suite sur sin vélo

bin savez mes gins faut eune sacrée condition physique pour pédaler et à la fois minger sin r'pas ed réveillon d' noel

bin ouais in pouvo pas quand meme li donner s' nourriture ordinaire un soir comme cha

bon d habitute, comme ché un cyclisse de haut niveau , marie claire a li faijo des zinjections avec eune serinque

oh chéto nin d' l E P O qui preno chéto d' zinjections d' genieffe
faut dire que l' soir quand qui déchindo d' sin vélo, i berloquo pas mal

mais l' soir ed noel , fallo quand meme marquer l' coup....

alors marie claire ale a pinsé à ché canards qu in gaffe , ale a été arquerre dins ch' garache un entonnoir qu ale a mis dins l' bouque à frette et ale a ballé toute el nourriture ed dins
cha a été du boulot savez, pasque , ravisez rin qu' ché zuites, i a fallu qu ale les artire d' ché coquiles, mais eune fo ballées dins l intonnoir, ché zuites cha boucho in bas , et là ale a eu in reflesque ed ménagère ale a mis du destop ed' dins pour que cha s' débloque

bon ch' matin , frette i est aux zurgences, i vont li faire un lavache d estomac, quand à marie claire , ale est au poste ed police, eh ouais, allez expliquer à ché gins pourquoi qu ale a servi des zuites au destop à sin mari

alors in ch' matin d' noel, j a eune pensée pour frette qui va subir sin lavache d estomac, et comme ché zurgences i sont pleines ed gins qui ont fait l' bringue aussi, i avo pu d' tuyaux disponipes, parait qui vont li faire cha avec des tuyaux d arrosache, bon courache frette .......