Les jardinsA min père (G Dubois, S Colliez)
par Marie-Claire le, 26/12/2006A MIN PERE
Paroles de Guy DUBOIS
Musique de Simon COLLIEZ
Comme chés galibots de t' génération
A douze ans t'as dévalé au carbon
T'as pas voulu que j' deschinde in infer
Et pour cha ej dos t'armercier min père
Ed tin temps in n' se posot pas d' questions
Ches jones comme chés vieux i z'allottent au fond
Quand t'as eu l'ache ch' n'étot pas un mystère
T' jeunesse alle s'a passée d'sous terre min père
Refrain:
Armonté au jour té dev'nos machon
Avec tes bras t'as construit nou maison
Dins tin gardin t'allos pour et' distraire
Je n' t'ai jamais vu t'arposer min père
T'as pas gramint connu ches distractions
Einne partie d' pêque ch'étot t' récréation
El fosse alle t'a vite rapp'lé ed'sous terre
A cause d'elle t'es pus avec mi min père
El traval ch'étot l' sort ed nous taïons
T'as eu drot à ches souffrances à ches gnons
T'as saqué dur pour que j' n'euche pas misère
J'ai eu del' chance equ' ch'étot ti min père
T'as connu la guerre et chés restrictions
Ch'est ti qui a gagné l' batalle du carbon
Mais tes poumons sont rimplis plein d' poussières
T'as sacrifié l' mitan de t' vie min père
Refrain:
Armonté au jour té dev'nos machon
Avec tes bras t'as construit nou maison
Dins tin gardin t'allos pour et' distraire
Je n' t'ai jamais vu t'arposer min père
T'as pas gramint connu ches distractions
Einne partie d' pêque ch'étot t' récréation
El fosse alle t'a vite rapp'lé ed'sous terre
A cause d' elle t'es pus avec mi min père
Merci min père
