Nouvel An
par annie62110 le, 27/12/2006quand j'éto tiote, j'attindo nouvel an avec impatience, qui fasse frod qui géle ou qui neige, je m'couvro bien et avec m'tiote soeur Jacqueline in allot étrenner ché tatas, em' marraine et not'grand'mére ed Fouquiéres, pace que chelle d'Hénin in y allot plus tard in étot core trop tiotes
in éto sures d'avoir not' dringuelle dins tous ché maisons et comme mi quéqu'jours aprés chétot m'n'anniversaire, j'éto toudi bien servie
quand in arrivot chez mémére au fond du village, in savot qu'in aurot eune tasse ed chocolat et des gaufres, et croyez me ses gaufres à mémére chétot quét'cosse, al zétotent fameuses
comme ech'jour là al veyot du monde al faigeot aussi d'el tarte à chuc et au libouli
quand in ar'venot à note maison in n'avot pas gramin faim, in avot notre tiot porte monnaie plein, et not' estomac rimpli
bref eune bonne journée à tous les points d' vue