Les jardinsy'avot neigé c'soir la
par annie62110 le, 29/12/2006chétot nouvel an 1965, j'ai deux copains qui étotent v'nus m'caire pour aller au bal ed St Sylvestre à Rouvroy, y'avot un sacré bout d'quémin à faire à pieds, mais in étot jeunes et cha nous faigeot pas peur
y'faigeot frod et y comminchot à caire du verglas, aussi pour faire la route, j'avo mis mes bottes et j'avo pris mes souliers dins un sac
in s'est bien amusés, sans s'faire de l'bile pou s'qui s'passot al cour, et quand ch'bal y'a été fini in a eu eune belle surprise y'avot 30 cm ed neige, j'argretto pas mes bottes
in a r'pris l'route du retour, ch'paysache y'étot magnifique, mais ché quand in est arrivès à l'route nationale qu'in a été surpris in veyot l'route d'Hénin à Fouquiéres et y'avot pas eune seule marque dins l'neige, chétot biau, nous qu'in étot habitués à l'poussiére ed carbon, in n'avot plein ses yeux
alors in a pris l'milieu de l'route et jusqu'a m'maison à Fouquières soit à peu prés 2 kms in étot les rois su ch'blanc manteau , in n'a même pas pinsé à faire eune boule ed neige tell'mint chétot biau chétot magique, avec des souv'nirs comme cha, in rimpli eune tiote case de s'vie, et d'temps in temps on peut l'rouvrir et j'ter un coup d'oeil in arrière
