Les jardinsautant la noel ....
par minloute le, 30/12/2006autant la noel, chéto eune fete, la fete des zinfants, autant l' nouvelle année , chéto nin important pour nous ché tchiots
oh y yavo bin des tentatiffes des parints pour nous interesser à cha
l année prochaine té va apprinte à nager, l année prochaine té va apprinte à lire, l année prochaine té va passer en sixieme
mais nan
pour nous l' nouvelle année chéto l' début d' la fin des vagances , l' magie de chte période là ale éto in train d ardéchinde
faut dire aussi que là fallo commincher à faire sérieus'mint ché devoirs et réviser les l'lecons , cha chéto djà moins interessant ......
oh y avo bin un tchiot cadeau l' matin del nouvelle année, souvint mi j avo eune boite que d'dins i avo des fausses cigarettes in chocolat, eune pipe et un briquet in plastique mais cha avo pas ch 'gout del magie d' noel .... bon cor heureux i yavo ché zétrennes sans quo.....
mi c'que j'em souviens aussi d' chés jours d' nouvel an chétot chés visites amon d' chés parints, amis, voisins
cha n'arrêtot pas del journée, i v'notent, in partot amon d'un aute, et toute el journée comme cha, café, tiots gatiaux et vin pour chés grantes personnes, jusqu'au soir assez tard
ben j' peux vous dire qu'y avot pas d' souper ch' soir là ...
