les glaces ed merlimont
par minloute le, 03/01/2007ah ché vrai, aprés zallez accroire que j a eu eune enfance dine ed causette, mais nan mais y a des souv'nirs terripes
l' glace in arvénant del plage, oh pas l' glace qu in acato quequ' fo , savez l' simpe boule, nan , j' vous parle del glace à l italienne, ou pire encore mes gins l' cornet d amour...... ah j in a bavé eune paire ed coups in passant d' vant ché deux marchands qui zétotent l un à coté d' l aute sur l av'nue d' la plage..... bin ché bete à dire mais quand que j y suis arvénu adulte, avec mes zinfants en bas zache, j' m a fait un devoir, un plaiji ed leu acater un cornet d amour
oh ché nin que chéto les thernardier mes parints, mais chéto cor eune époque du qui ravisottent bin les sous à dépenser, j ai artrouvé plusieurs pages ed budget que m mere ale teno , chéto du sérieux
pi plus tard, cha a été plus facile, faut dire qu' mes soeurs ale sont parties del mason, et min frère i travaillo, alors meme si y a été al' retraite ach' momint là , i zétotent plus larches