les tartines grillées

chéto l' diminche, l' diminche matin , et pas un aut' jour del semaine
min père i prenno l' grile à tout faire , chéto eune gril qu ale s' ouvro in deux et que d'dins i pouvo coincher ché tartines
aprés i artiro l' plaque ronte qui éto au d' sus du fourneau et i metto al' plache ch' grile avec ché tartines

vous dire que chéto eune cuisson réguyère , in peut pas dire, i suffiso que ch' fu i so trop fort , et i avo interet à artirer vite fait l' grile sinan chéto tout carbonisé , tout noir , inmangeape

djà quand min père cha li prenno l invie ed minger cha, et qui suffiso qui fasse pas bio l' vele et que m' mère ale avo mis eune foret d' draps dins l' cuisine, là ale gueulo, ouais ch' linche i va sintir, mais nan qui diso min père, cha a pas l' temps d' sintir, bin là j' su d accord avec m' mère qui pour toute réponse haussait ché zépaules, commint alors i peut nous faire comprinte qui s' précipito y a des coups vers l' farniete pour l ouvrer in grand, vu qu in se se s'ro cru juste à coté del ' tamisse , à lontes in angleterre, cor un peu i auro fallu eune lampe d' poque pour y vire cor quéquosse, ah si m' mère al' commincho à faire eune reflexion, chéto nin de s' faute si ch' vint i tourno, et que l' finquée al' préféro passer pal' cuisine que par ech' conduit

allez in va pas critiquer min père, cha parto d un bon sintimint, d abord quand qui ram'no l' grile avec ché tartines toutes cautes , noircies par ech fu , in avo dro à s' phrasse éternelle, ou plutot s' n expression qui voulo dire, gare à des écalettes j arriffe, sin fameux "pin pon pin pon" tout cha en brandissant au plus loin d' li , l' grile cor toute infinquée et caute

là min père, ech pélican, j' vous dirais cha taleure pourquo, i trio ché tartines, les plus brulées, imangeapes, chéto pour li, mi j avo les moins brulées , cor que j artiro l' couche toute carbonisée qui y avo d' sus, pi in metto un tchiot peu d' beurre, oh pas trop sinan i t ingueulo, d abord ch' beurre i fondo al' vitesse grand v, suffiso que té fache pas attintion et cha quéyo par terre et là t avo dro al' reflexion de m' mère