Les jardinsaprés la libération , les communisses
par minloute le, 09/01/2007juste aprés la libération, mon père avo été frappé par l' omniprésence des communisses pi par leur engag'mint
j'préviens aussi qu' min père ach' momint là y éto syndicaliste CFTC,syndicat chrétien, à l'opposé de la CGT
j' vous l' ai djà dit i avo été frappé, quand qui a eu juste aprés l'libération , un comité d' resistance qui dirigeo Bruay, y avo pas mal ed communisses, et min père qui éto aussi élu, i avo été sifflé par eune grante partie d' la foule
au d' là d' cha , c' qui l avo frappé, chéto quand que Maurice Thorez i a d'venu ministre du traval, min père i dijo qu' ché délégués syndicaux i zétotent aussi zélés et ptete pire qu' ché porions
la bataille du charbon chéto vraimint l' leitmotiv d' eune époque
i m avo dit que les non communisses i s' demindotent si i zallotent pas printe el' pouvoir
j' dis tout cha ché qu un témoinache, certain' mint partial, mais quand meme interessant, pasque chéto partagé quand meme par eune partie ed la population ......
et y ajouto aussi "t auro vu aussi l' artourn'mint d' situation quand qui zont quittés l' gouvern'mint , là y zétotent les premiers à raler des cadences"
et pour terminer j arviens am' n histoire del renconte ed min père et d' Colbert Bonaventure, li syndicaliste communiste, qui avo écrit un liffe sur s' vie à bruay
quand qui s' sont arvus prés d' 30 ans aprés , chéto deux vieillards, j' dis cha sans moqu' rie, mais ché pas pour cha que Colbert i a pas ouvré s' porte in grand et qui a pas imbrassé min père , meme si à eune époque, chéto plutot "tendu" intre eux, mais comme i diso min père "viril mais corrèque"....
