un momint de honte ché vite passé
par Marie-Claire le, 10/01/2007min père y avot ker à faire bonne chère comme in dit , i mingeot bien et y avot l' chance d' pas grossir, j'em plains pas passeque j'a hérité ... cha fait l' désespoir d' mes collègues quand ales m' votent l' matin avec min gatiau qu' j'a pris al boulang'rie in passant, mais j'a d'jà mingé à m' mason avant d' partir, bon tout cha pour dire qu min père y avot bon appétit et qui supportot pas d' vire ché gins pluquer et faire les nactieux
alors t'avos intérêt à t'arservir sinon y étot pas contint, presque vesqué
et s' n'expression ach' momint là chétot : " allez sers te un momint de honte ché vite passé ! "