l'arcette du pâté de lapin in chti

ouais j'vas vous confier un secret passqu'in n'est pas nombreux c'soir su ch'site ... au début in avot eune base d'artiques écrits in chti , pis in vous l'a d'ailleurs d'jà raconté mais quand in a comminché ch'site avec minloute, in s'a dit, nan nan faut écrire in bon frinçais ...
mais cha nous a vite démingé d' parler chti et in l'argrette pon
bon tout cha pour dire que l'arcette de ch' fameux paté d'lapin ale est su ch'site in français , mais mi cha m'a toudis un peu contrarié passeque jé l'treuffe bien plus savoureusse (ché l'cas del dire) in chti, du coup j'vous a arcaché l'originale que j' vous armets ichi d'sous
et pis j' voudros apporter eune tiote précision qui a s' n'importance et qui va faire plaiji à minloute, j'in connos qui ont bin rigolé aveuc l'affaire del gelée in poute ..... mi cha m'avot un tiot peu étonnée aussi, in n'in mettot pas à m'mason et j'in mettos toudis pas d'pis ch'temps là, ben j'a treuvé l'explication l'dernier cop qu' j'in a fait, cha m'étot jamais arrivé, mais l' gelée ale a pas bien pris passque ch' lapin y étot pu pétit et qu' j'avos mis trop d'iau ...... alors achteure j'em rallie à l'arcette d'el maman à minloute, et j'rajout'ra un sachet d'gelée in poute ...........

Arcette par minloute
T'acates un lapin t'acates aussi del poitrine fraique le même po qu'ech lapin
bon té prins pas dele poitrine fumée sans quoi ché trop salé et cha coupe l'gout dech lapin

té fais del gelée avec deux sachets de gelée en poute

dans eune terrine eune grante té mets eune couche ed poitrine fraique, coupée en morciaux , ensuite té mets eune couche ed lapin, bin sur ta pas artiré ché oches, té sales, té poifes
té rimplis t' terrine en faisant l'meme cosse lard, lapin, lard , lapin, tout en salant et poivrant d'temps en temps pas trop d'sel quand meme mes gins

té termines aveuc eune couche ed lard

ed sus té mets du laurier du thym deux gousses d' ale
té verses la gelée un peu refroidie ed sus
té mets eune feule d' alu pi té mets ch couverque del terrine
té l' mets enfin dinch four au moins eune heure

pi après t' arsors ech plat , mets des mouffes ..

pi si y fait fro té mets tin plat déhors ale cour pendant tro jours faut qui fasse fro mes gens
un conseil té mets eune brique ed'sus sinon ché cats i vont t'in minger , ché arrivé ché mi
sinon si ta eune cave bien fraique té l' mets d'dins

l soir té fais tes frites, té sors t' bière fraiche, del moutarte, ta fait eune tchtiote salate , té vas querre et'terrine , té l'ouffes , té sors ché morciaux avec eune cuillere bien solite

ben mes gins ch gras du lard, l'gelée, ch' gout du lapin et ch' gout du lard , ben té t' régales à crougnotter ché oches
bon appétit à tous et cor un grand merci ame mére