ché timpes tuberculeux
par annie62110 le, 13/01/2007ché comme cha qu'el plupart d'ché zinfants y les z'app'lotent, mi quand j'veyo l'maitresse sortir chés carnets du tiroir ed sin bureau, j'éto malate, j'savo que m'mére al allot raler, ché vrai qu'pour ché parints chétot pas un cadeau!!
comme tous ché zinfants de ch'quartier y'n'avotent, chétot pas facile ed les vindre, mi j'avo m'marraine, m'grand'mère, et quéqu'fos un ou deux commerçants qui m'in prennotent, mais y m'in restot toudis, aussi j'vous dis pas cheux qui zavotent deux ou trois gosses qui zallotent à l'école in même temps y zétotent pas heureux d'les vire ar'vénir avec chacuns leurs timpes
aprés dins l'classe y'avo chés zinfants qui avotent des parints aisés, cheux là y prennotent pas d'carnet y prennotent ch' grand timpe ch' plus cher, in s'sintot minables à coté d'eux, in comprenot déja c'que chétot ché classes sociales
bref quand in avot tout vindu, in étot contints, ach't'heure à l'école y'a pu d'timpes, y zont rimplaché cha par des billets tombola, in y'a dro tous les ans!!
Ouaie ouaie!! tous z'ans in avot drot à l'mêmme engueulate in rintrant avec nou carnet d'timpes! nous on étot s'qu'à 4 dins l'mème temps à l'école.
Chés gins qui avotent eune auto, "et in méme temps un bon coeur!" prennotent un grand timpe pour el coller ach parbrisse!
J'ai d'ja parler des z' infants d'euch moulin " Duranel" dusqu'i avotent 3 autos, hé ben i prenotent 3 et grands timpes et chés jonnes i n'avotent pas d'b'zoin d'faire des courbettes à leux vosins.