Les jardinscomme à la guerre
par minloute le, 15/01/2007excusez me, j a pas beaucoup d' temps à mi chte s'maine, alors j' passe quand que j a un tchiot peu d' temps
et j va vous raconter eune histoire qu ale est vraie
min dernier tchien i supporto pas ché cats, chéto l' tchien du dernier proprietaire del mason , qui nous a laissé pasqui arparto in appartement
i supporto pas les cats, et bin y s y est fait, et achteure in les obserffe et in rigole bin
mes deux cats i sont bin ichi, mais probleme, probleme comme cha peut arriver entre vigins, i supportent pas l' cat du vigin ou ché plutot l' contraire
et chtilale i do et' el'vé al' patée, i est gros comme eune fouine, et malin, i s arrinche à attaquer mes cats quand qui s in rente pas compte, et cha fait eune paire ed coups qui s' prennotent eune raclée
sam' di soir y a eune semaine , grosse bagarre dehors, j ouffe l' porte, j avo interet vu que ch' tchien in intindant cha , ché eune furie i cas' ro tout, i s' précipite dehors, et j' croyo qui allo rintrer dins l' tas, nan, i s a j'té sur l' cat du vigin, l aute i a tout juste eu l' temps d' grimper such' mur i allo s' faire démonter
eune fos qui s a calmé i s a ram'né vers min cat et i li a foutu eune grosse léchoule sur s' tiete
et d'puis ch' temps là , l' matin quand qui sortent pour aller picher, bin ché cats i restent al' porte, i zattintent que ch' tchien i sorte, alors ils le suiffent, comme à la guerre, i forment un convoi et comme cha i sont rassurés
