Les jardinsc'que j'pinse vraiment ch'jour là ...
par Marie-Claire le, 19/01/2007j'a passé eune journée ordinaire au traval et j'em rinds compte que d'pis queques années chés anniversaires cha m' fait pus l' même effet qu' quand j'étos plus jone, ch'qui m' importe ché pas chés évintuels cadiaux ou j'sais pas quoi d'autes, non achteure, cha peut paraite drole c'que j' vas vous dire, mais ch' jour là j' pinse plus à mes parints et même mes grands parints qu'à mi, j'y pinse tout l' long del journée, à c'qui z'ont vécu et arsinti ch' jour là
bon j'a arlu ch' matin ch' sujet qu' j'avos fait l'année passée pour min anniversaire , j' peux l' dire achteure pisque ché pas passé inaperçu.. , non mais cha m'fait bin plaiji
ouais donc j' dijos qu' j'avos arlu ch' sujet " L' Avenir de l' Artois du 25 janvier 1956 ..." et là j' m'a dit que j' pouvos pas dire aute cosse, qui avot rin d'aute à dire, ché c'que j' pins'ra toudis ...
alors core merci à tertous d'avoir pinsé à mi et j'em continte d' vous armette ch' lien d' l'année passée
Le 19 janvier 1956
