l'coopérative à Mazingarbe
par potié vital le, 21/01/2007l'coopérative al cité 3 à Mazingarbe al étot t'nue par eune jeune file d'Grenay, al restot cité Maroc, sin prénom ché Mauricette, ses pinrints y v'nottent l'aider et yétottent souvint là.
y'avottent inne auto simca aronde, cha devo pas ête des malheureux, ach'momin là les autos cha n'courrot pas les rues.
J'véno l'aider à ringer chés rayons l'jeudi sauf si yavot in interremin. In hiver 52 ou 53 l'réserve al n'étot pas cauffée in intindot chés lites d'vin éclater par l'gel, cha m'féjot mal à min coeur parceque chétot des sous d'jétés