Les jardinseine bonne soupe au lard
par BJP le, 22/01/2007D'puis tout jone , éj'conno l' soupe au lard que chés viux y z'ap'lotent aussi "l'rassacache".
Nous, on n'in fait au moins deux fos chaque hiver. Pour el'viante, in met du lard ou ein jambonneau ou alors les deux. Ein jambonneau et ein morciau d'lard. Pour chés légumes, in n'y met : des haricots blancs secs (Ne pas oublier d'les faire trimper au moins 12 heures), des porions, des carottes, des navets, du chou, un ognon, et des pétotes.
Vous mettez l'tout din eine marmitte et faire mijoter au moins 3 heures ou plus (cha minge pas d'pain), assaisonner à s'guisse.
Minger chés légumes avec ech'jambonneau et ein morciau d'lard ché ein régal. Ché ein plat qui peut durer 2, 3 jours. Plus ché récauffé, meilleu qu'ché.
Quand in arriffe au fond dé l'marmitte
y reste tout l'temps des légumes. Vous les égouttez et pis vous les faites récauffer din du beurre à l'poêle. Cha avec eine bonne entrecôte et pis l'sauce ed l'entrecôte, ché un délice.
PS : J'viens d'arlire ech'l'article avant dé l'invoyer, ben asteur j'comprinds pourquoi j'prinds un médicament pour soigner min cholestérol.
eine pétite rectification :
ché vrai que chétot bon del'soupe au lard. Mais min frère ia oublié e'dire qui avo pas quère ech'lard. Aussi e'mère al i faijot un bifteck al'plache.
Bon appétit quand minme........!!
Ché vrai que quand j'éto jone , j'avo pas caire ech'lard mais d'puis, y a dé l'iau qué passé d'sous ch'pont.
