l' fronte à min copain
par minloute le, 24/01/2007oh in peut l' dire, y a prescription, j avo un copain qui avo "emprunté" l' fronte à sin père , et ch' coup là in a été jué près d' ché masons rue d isbergues , presque au coin del rue d' montatataire, j' vous parle ed cha cha fait eune paire d années asteure plus d' trente ans, j' diro meme plus d' trente chinq ans,vinguette in rajeunit pas
ché masons là ale zont été abattues rapid'mint aprés, avant l ouverture du ces rostand , j' diro en 69 ou 70
in passo par ché gardins fous, du qu' l herpe ale avo arpris l' dessus , et in rintro dins ché masons, d' l étache, min camarate i s amuso à casser ché carreaux ed l aute mason abandonnée qui éto sul' coté
i y arrivo à tous les coups, chéto à la fois rigolo et inquiétant, rigolo,pasque té voyo ché carreaux voler, inquiétant , pasque pour nous cha faijo un boucan d enfer et in s' diso que ché gins qui pourrotent passer dinl' rue i pourrotent nous armarquer , in s' camucho dins l' coin del pieche l' coeur battant ,in acoutant si y avo du bruit dehors
pi avec l' euphorie, i a décidé ed viser l' lampadaire del' rue, oh bin chéto sur, i a tiré , et y a eu l' cipe.... là j' do vous dire qu in s a sauvé vite fait, in a arpassé par ché gardins, et foncé à travers ché garaches pour rattraper eune voyette pour s artrouver ni vu ni connu, rue de chatel' rault