Les jardinsl' chaudeau
par Marie-Claire le, 28/01/2007j' vous l'écris comme cha mais in fait j'l'a jamais vu écrit
vous vous souv'nez sur'mint du chaudeau, ch'matin i m'a pris l'idée d'in faire un pour déjeuner
un jaune d'oeuf battu avec du chuque in poute, in verse par d'sus du café bouillant et in bat bien avec eune fourchette, d'abord pour pas que ch' jaune i coagule et que si ch' café i est bien bouillant et qu'in bat bien, cha fait un tiote mousse onctueusse par déssus
quand in féjot cha in dijot que chétot pour arquinquer quand in étot mate ou malate, mais y a pas d'obligation d' cha pour in faire si in a ker l' chaudeau
et intre nous j'vous donne l'arcette avec un oeuf, mais chés oeufs qu'in acate achteure et chés oeufs d'since d'nou temps, ché pon tout à fait parel, alors mi j'mets deux jaunes d'oeuf
