au temps du noir et blanc et des 2 chaines de télévision

acoutez jeunes tchiots l histoire ed grand père minloute
"y éto un coup, un temps du qu in voyo l' télé in noir et blanc et qui avo qu' deux chaines al' télévision......
oh , rin à vire avec achteure, té zappo pas, d abord y yavo un moyen terripe pour éviter d' zapper, y avo pas d' télécommantes..... si si mes jones infants,i fallo s' arsaquer du creux d'sin fauteule ou des' caielle , aller jusqu' à ch' poste pour canger l' chaine, pi cor i fallo l' faire vite sinan in s' faijo ingueuler pasqu in cacho l écran, oh j' dis cha mais chéto nin à nous d' canger les chaines, ah nan, chéto del ' responsabilité d' min père, m' mère ale le faijo aussi, mais ale éto moins sure, faut dire que si ale appuyo mal , min père i gueulo, ouais té va abimer l' télé .....donc chéto réservé à min père .....

dinch' temps là mes gins, pas d' flimes in couleur, i fallo aller au cinéma pour vire l' vie comme ale éto, in vrai, ah ché vrai quand qu on arvoit ché flimes in couleur de ch' t époque là ,ché vrai qui zétotent pas radins sul' couleur, j a arvu i a pas longtimps un estrait du flime les chevaliers del tap'ronte, un flime ed 1954 oh mes gins , à croire qui zavotent rajouté des pots d' peinture su ché vet'mints, robert taylor i a un momint i est su sin bidet, i a eune cape rouche, bin vinguette, cha devo et' sponsorisé par l' sécurité routiere, savez s' faire vire pour bin et' vu, chéto plus criant comme couleur que ché gilets qui vintent achteure pour ché zautomobilisses , zavez ché gilets jaune fluo
bon y avo qu' 2 chaines, cha limito l' choix ,mais comme cha chacun y parlo souvint del meme cosse l' lend'main au matin, et j' dos dire que mi d'puis que j a internet, ché vrai que ché rarissime que j ' ravisse un flime al' télé, allez mes gins, tonton minloute i a raconté s' n' histoire, vos zius sont tout mates, et faut pinser à dormir , d' main y a d' l école ...."