un autographe
par annie62110 le, 01/02/2007comme j'sus bin partie, j'vas rester dins les zannées 60, c'que j'vais vous raconter, cha c'est passé in 66
mas parints i z'avotent un ami journaliste à nord matin et quand i v'not eune vedette dins l'région i l'prenot avec li, et ch'coup la chéto ch'canteu Christophe qui v'not à Courrières
i'étot célébre pour avoir crié "Aline" tout l'été d'avant
comme anne marie l'femme de ch'journaleux al pouvot pas v'nir avec nous al m'a d'mandé d'y rapporter eune photo avec un autographe pour mette dins sin bistrot
j'ai vu christophe, j'l'ai trouvé tiot mais sympa, j'ai eu des photos et un disque, et ch'est su l'route du r'tour que cha a fait tilt, j'avos oublié ed demander l'autographe
j'ai fait arrêter l'auto et su ch'capot de m'plus belle plume j'ai écrit "pour Anne Marie amitiés musicales Christophe" et in est rintrés
vous dire qu'al étot continte de s'n'autographe ch'est peu dire, i a troné un sacré bout d'temps su l'mur de ch'café, al in parlo à tout l'monde
et quand j'ai fini par i dire que ch'étot m'n'oeuvre, bin mes gins al m'a pas crue !!!!
y'a vraimint fallu qu'j'insiste, mais al a pas inl'vé l'photo de ch'mur!!