in n'a pas idée !!
par annie62110 le, 02/02/2007à Fouquiéres, chés f'nètres ed maison al z'étotent hautes et quand i fallot néttier chés carreaux chétot eune vraie entreprise et pour em'mére, l'point du jour au d'sus de l'porte i étot inaccessible, surtout qu'al étot pas grande
aussi pour y accéder al avot pris l'habitude d'aller caire s'table de chevet dins s'chambre et d'monter d'sus
seul'mint ch'jour là l'plaque ed marbre qu'y avot d'sus al a cassé, al s'est éjectée et m'mére al est passée à travers ch'tiot meuble et al s'est r'trouvée coinchée à l'intérieur
comme el porte al étot ouverte et qu'al étot tout'seule al a du crier au s'cours, ch'est un mineur qui prennot sin poste ed jour qu'i est v'nu l'aider
al avot ses deux gambes toutes griffées, l'table de ch'vet al a été réparée et al est pu jamais montée d'sus
j'cro ch'est surtout qu'al avot eu honte d's'artrouver dins chelle position inconfortable dù qu'in l'avot trouvée !!