la cote de la croix de grés

l' preuffe qu in apprint tous les jurs , j' savo pas que ch' quartier là i s appelo l' cité 34
dins l' rue ou pluto dins l' cote d' la croix d' grés i avo dans l' temps, j' sais nin si cha existe cor , in bas del cote à droite in montant vers l' croix, i yavo eune charcuterie, j' cro m' souv'nir que chéto Mouquet, l' nom du charcutier
j' me souviens qu' min père i li preno du paté, du saucisson quand qui allo sul marché del place marmottan l' vendredi matin
et comme cha mes gins, l' vendredi soir, nan, chéto pas l' vendredi mais l' sam'di vu qu in mingeo des zeu l' vendredi, vu que l' vendredi chéto pichon l' midi et zeufs l' soir, vu qu in mingeo pas d' viante ch' jur là
chéto l' sam'di soir , d ailleurs chéto immuappe et j' peux vous ardonner ch' menu sans probleme, vu qu' chéto toudis l' meme chosse, mais loin d' mi d' min plinte

alors sam'di soir , chéto reste ed bouillons avec du vermicelle ed 'dins, pi aprés ché légumes du bouillon, pi aprés chéto charcuterie, avec des noules, et souvint au gratin .........

Non seulemint ch'est l'cité 34 mais ch'est aussi l'fameuse cité des z'andoulles. ch'est vrai, dins l'temps y avot l'boucherie Mouquet. Ch'est aussi vrai, qu'sin pâté y étot fameux.
Mais, y avot aussi l'boucherie Béghin qu'i étot située juste in face dé l'rue du veil fort .
L'boucherie Mouquet al étot 50 mètes plus loin in montant l'côte.
Dins l'temps, y avot plein d'magasins jusqu'à l'rue Barbusse. Ech'garage Renault, y n'existot pas.
Si j'm'a tompé quiqu'part faudra mé l'dire .
A bétot mes gins et pis à s'arlire .

ch'est bien cha el'boucherie al'sapelot Mouquet.
30 mètes avant chétot el'boucherie Béghin. Sur el'minme route y avot aussi ein'droguerie, 2 cafés, 2 marchands d'légumes, 2 merceries, ech'bazar à 100 Frs, un marchand ed'lait, eine boulangerie, in face d'el boulangerie y avot un débit d'tabac et i faijotent aussi librairie.
Et cha rien qu'sur el route ed'Divion, cité 34 ech'fameux quartier des andoulles (rires)...
Faut dire quel'cité 34 y avot du peuple. ah ouais y avot cor ein'aute boucherie, t'nue par Deziter. Ch'étot in face du débit d'tabac. Ach't'heure y a pu grand cosse.
A béto