ché différentes masons des corons
par minloute le, 06/02/2007j l a djà dit, min père i a eu l' mason del rue leverrier à bruay un tchiot peu par piston, i a eu eune paire ed masons qui li sont passées sous l' nez, alors li qui avo eune grande babelle, in li a trouvé ch' log'ment là
par rapport à ché corons alentours, ché masons là ale zétotent plus grantes, ale zavotent un grenier, eune caffe , tro champes à l étache, in bas, l' pieche de d' vant, l' salon , l' cuisine du qu in mingeo , et l arriere cuisine qui éto in fait el vraie cuisine, des ouateres dins l' cour, pi tro barraques, un gardin et un garache
ché vrai quand qui a arrivé in a artiré ché volets et démonté l' salle ed bains qui y avo à l étache pasque min père i n éto qu agent d' maitrisse
mais chéto bin plus spacieux que ché masons d' la rue d anzin par exempe, ou pire encore ceux del cité des electriciens , exempe des habitations que ché mineurs i s' contentottent a la fin du 19 ème sieque
et j éto toudis étonné quand que j allo ché mes copains qui zavotent que deux pieches in bas et pas d' grenier j' devo et' un peu fier, j' cro bin , j in su sur