Les jardinsretour à l'Bussière
par Bebert le, 08/02/2007Salut tertous
J’vas faire un tiot tour à l’Bussière (au villache) dins les années 45-50
vous v’nez aveuc mi ? in pourra sur'mint s’rapp'ler des cosses à l’eun- l’aute !
Vous vous souv'nez d’euch cinéma paroissial ? Là on étot pas long d’euch monument aux morts et d’l’églisse, sul’tite plache y avot « l’café tabac, épicerie » à mon (Baufort) l’grand-Mère à JJ Vanvimerche !
In allant vers Béthune, y avot eune boucherie, et l’boulangerie Ruffin ! l’file Mimi ale avot gagné eune 4cv Renault à j’sais pu que concours ! ché vrai qu’chétot eune fort belle file ! y avot aussi un marchand d’tissus à côté, mais j’sais pu chés noms depuis l’temps !
Bon on n’arvient ach’ monument, d’là, on monte vers l’école d’chés garchons. A gauche l’cinse Dubois, plus haut à droite l’cinse Dourlens qui a un garchon qui a monté l’auto-casse à Hesdigneul !
pu haut, l’boulangerie Bonnet qui a été reprise par Sébert qui faijeot s’tournée avec eune carette et un tit bidet !
Avant l’école du minme coté y avot une espèce d’grande cour avec des tites maisons ! ch'est là qu’restot l’grand-Pére Courtin que tout l’ monte connaichot y étot tellemint gentil cht’homme ! I v’not quer s’n'iau ale pompe
juste à coté d’eule grile ed’ l’école, Chétot dangeureux l’hiver pour chés vielles personnes ! ch’caniveau toudis gélé et chés jones qui sortotent d’l’école in courant !
A suivre ...
