Les jardinspas ed chance pour el garagiste
par nounours-94 le, 09/02/2007in bas dem'tour dù que j' reste y a eun' avenue ché la que j'gare em' n'auto. hier in l'prenant pour aller travailler, toute l'avenue al'étot bouchée
sur el coup j'ai cru qui yavot un accidint mais d'un seul coup ej vo les motards ed'la route et tout l'diape sans train. j'em dis in mi même ch'est un contrôle d'alcoolémie. gagné! i m'font souffler dins l'ethylo, j'avo zéro gramme. et j'y pinse pu.
mais ech'matin in allant au bistro quère min journal, et boire min café j'in parle ach'barman i m'dit "ouais je l'sais el garagiste qui reste in face d'et'tour i s'a fait printe in état d'ivresse in essayant eun' voiture d'un client "yavot un gramme disse dins l'sang résultat des courses eun' amente et six points ed' moins sur sin permis. et pu l' dro din r'printe el voiture".
et bin ché bin fait pour es' guiffe y est toudis dins les vignes du seigneur et in plus ch'est t'un voleur, un exempe: un coup j'yavo ed'mandé ed' canger eun'veilleuse avant drot y m'à canger celles ed'min tableau ed'bord, el pu pire ch'est qui voulot que j'el paye pour ses conneries, là cha l'a pas fait du tout j'en'va pas rintrer dins les détails cha pourrot choquer certaines personnes.
