Les jardinspour Bébert, min frère et tout l'monde
par BJP le, 18/02/2007Bonsoir mes gins
Ben j'm'inquiéto pour min camarate Bébert, j'avo tort. Nan nan, i n'est arvénu. J'sais pas si vous avez lu sin sujet, min frère, i n'a d'ailleurs armis eine couche. Ch'est pas graffe, min deuxième prénom, ché Modeste.
L'suite del'visite ed'l'Buissière, cha été. Ch'parcours, i étot pas long. In a visité ch'l'églisse. J'ai appris ein truc, qu'min camarate, i étot infant d'choeur et pis, qu'i a failli rintrer dins les ordes. J'n'arviens pas. Ch'est vrai, que dins l'temps, in étot notés et in passot minme ein examen pour pouvoir faire s'communion.
J'vous l'dis, i n'a pas prêché din l'désert (quoiqu'i aurot pu nous faire gouter ch'vin de messe). In disant qu'ch'est ein ancien saharien, jé l'vos vénir. Y nous prépare pour sin prochain sujet : "i va nous dire commint y z'ont construit eine usine électrique sur eine oued, à côté d'Colomb-Béchar.
J'voudro quand minme dire pour c'qui est dech'vélo , que dins min jone temps, chés gins, y m'app'lottent "Lazaridés" . D'ailleurs, j'vous l'prouve (attention, in a l'drot d'rigoler , mais pas dé s'moquer) .
L'photo que j'mets, al'date de 1954/1955, jé n'sais pu.
Ch'ti qui m'dit à quoi j'ai participé, i gagne non seulemint em'n'estime mais aussi à ete connu.
Ben mes gins j'vous souhaite eine bonne nuit et pis, à bétot.
NB de Marie-Claire : lien vers le sujet de Bébert dont parle BJP
retour à l'Bussière (suite)
( 1 photos) 
