lend'main d'carnaval
par Bebert le, 21/02/2007Y a cheux qui sont pas trop bien réveillé, maux à leu tiète, à leux zortiaux
pasque y'avot tant d'monde qui s'marchot d'sus, et fallot porter chtiot
qui veyot rien! Cha ch'est l'meilleu des cas!
In Alsace, carnaval ch'est surtout chés bals masqués qui ont du succés! Y a des autobus qui vientent des Vosges, du Territoire d'Belfort, et pas seulmint à mardi gras! cha a cominché
vendredi, et d'pis un mois chétot tous les sam'dis ast'heure ya eune pose jusqu'à mi-carême.
Vous pouvez v'nir "Aux bals des veuves" si vous êtes bon danseur!
mais j'vous préviens ch'est chés femmes
qui invitent et alles sont masquées!
i sont pas toutes veuffes heureus'mint sinon on s'rot morts tartous!
L'miux, ch'est d'éte d'accord : "chés femmes i vont à plusieurs à telle plache, et leux z'hommes i vont dus'qui veutent!
"secret?" ch'est pas sur! et comme alles sont déguisées et parl'tent pas
seul'mint des hoch'mints d'têtes! (cha ch'est dur pour eussse d'pas parler!) hé ben j'vous dit qu'in a déjà eu des sacrée surprises à la fin d'eule saison! quant i inlèvént leur masque! et pis l'lend'main! ch'étot réglement des comptes! mercredi des cendres (jour maique) qui peut durer 8 jours aveuc d'eule salate eud'culs tournés!!
D'pu 15ans que j'eus pu danser, eus'sus toudis un mollet déprimé à cht'époque! ch'est la vie, mais ch'est pas marrant d'printe eud l'ach!profitez z'in temps qu'vous pouvez !