les commerces de Bruay

j' réponds a l artique sur les ptits commerces ed bruay, ché vrai qu in a connu , et cor el' fin, d'la grante activité d' bruay
meme si ché mines ont freumé en 1979 à bruay , l'phénomène y avo djà comminché avec l' ouverture d' cora al' future porte nord au milieu des années 70
cha a été aussi d' pair faut pas l oublier avec l' dev'lop'mint et la démocratisation d' l electro ménager

cha auro servi à rin d' avoir des supermarchés si ché frigos et pi vite aprés ché congélateurs , i s etotent pas démocratisés

pi in plus des mines que cha a fait partir du monte ,que ché jones aprés i zont été querre du traval ailleurs

pi aussi que ché femmes ale zont comminché à travailler plus qu avant
que cha d' veno complet'mint fou, in vingt ans d' temps d' conc'voir ed passer eune partie del matinée à aller chez l' boucher, l' boulanger, l' marchand d' légueumes alors qu in pouvo tout avoir en moins d' temps et moins cher dans ché supermarchés
tous ché ptits commerces y zont pas pu surviffe
alors quo qui reste ? d' temps in temps au miyeu d' quartiers intiers vidés d ' commerce, i a un aldi ou un mini market
les seuls magasins qui peuffent t'nir le coup face à cora, mais surtout pasque ceux qui zy vont i zont pas d' carettes, et qu aussi ché moyens financiers sont des plus restreints
mi j a dinl' tiete, un coup que j a été au lidl pour acater du chocolat in tablette, i avo un coupe avec des zinfants , bin quand qui faizottent leu courses, ch' père i avo s' calculette al' main, et i faijo ché totaux à chaque coup, aut' preuffe, l' dame d'vant mi, ale passe in caisse, et ale n avo pour plus d' 100 francs, bin ale a laissé des produits, ale avo prévu 100 francs et pas un sou d' plus

mais quo qu' cha va d'venir bruay à moyen terme, un aut' bruay, ché pas la peine d' se lamenter, ché personnes agées , ale vont partir eune par eune, et ché pas sur que tous ché log'mints i so gardés
tiens quand t armonte l' rue d'la cavée, i avo d' immenses corons in haut del cote, tous alignés parralel'mint, bin achteure in n'a pas djà pas mal d abattus et in fait des zespaces verts à nin plus savoir quoi faire .....
combien d' masons d' corons ont les portes grillagées in attindant l' démolition ...
in n y peut rin, d un tchiot villache , bruay est d'venue eune fourmillière, pi achteure, tout douch'mint , tout régul'iermint, sans bruits, bruay tompe dans eune certaine torpeur
rin n y peut armonter l' passé, l' municipalité ale fait c' qu ale peut aussi pour dynamiser , pour t'nir l' coup, mais ché nin évident, raviser la sta, raviser l ancienne usine ripolin qui avo sur ruitz, cha a duré eune paire d années, ché gins i zont eu l espoir que ché nouvelles usines ale zallottent imbaucher à bras l' corps....... in a vite déchanté

ché vrai, arvenir à bruay ché à la fois plaisant, pasque ché quand meme es' ville qu in est né , mais in do l avouer, surtout qu in n y va pas toudis, quand qu on y artourne in vo que tout y ferme et qu au centre ville, té vo pu grand mint d' gens dins ché rues, si té veux vire du monte bin té va à mon cora