Les jardinsarbattre é zottons amon Roger
par Marie-Claire le, 26/02/2007in va arbattre é zottons , vlà core eune expression que j'avos oubliée
j'la ardécouverte samedi dins eune vidéo dù qu'in vot l' conteur et poète Isaïe Lampin nous espliquer c'que cha veut dire "arbattre é zottons"
cha vaut l'détour, j'vous dira après dù qu'in peut vire cha
ch'est là qui explique que arbattre é zottons à l'origine chétot l' deuxième battache d' chés blés, in arbattot ch' mécant grain pour core in tirer quetcosse
alors arbatte é zottons ch'est au sens élargi, arprinte l'ancien, s'ramintuver d'tout c'qui a disparu
Isaïe Lampin i dit "ben voyez mes gins tout cha ch'est disparu, chétot des bons momints qu'in peut pas oublier"
si cha vous intéresse vous aussi d'arbattre é zottons , j' vous invite à aller un faire un tour sur el nouviau blog ed nous camarate Roger, in i treuve des inregistremints audios et vidéos de plusieurs auteurs et poètes patoisants
ch'est un vrai plaisir et in vot pas cha partout ..
l'adresse du blog à Roger ale est dins les liens du site mais j'vous l'armets ichi :
http://videochti.blog4ever.com/
