Les jardinsbuquer, eune tradition d'mariache (1)
par BJP le, 02/03/2007Bien l'bonjour mes gins .
Faudra qu'j'arcache aprés chés photos.
El'première fois qu'j'ai vu buquer, cha a été au mariache dé m'deuxième fille, in 88. D'vinez qui ché qu'i'a buqué? BEBERT!
Cha n's'invente pas. I'é v'nu buquer l'vendredi qu'j'cros. J'dis cha comme cha passeque j'min souviens pu tellemint. D'ailleurs cor asteur, m'n'épouse am'dit tout l'temps: "ti t'étos invité".
Donc pour arv'nir à ch'buquoir d'Bébert, chétot in p'tit truc qui devot avoir fait li-maime (y faut dire qu'Bébert y'étot plutôt bricoleur). Cha marchot plutôt bien sin machin.
Mais alors, ch'est l'lend'main, samedi, à l'sortie d'l'églisse, in a été tartousse espoutouflés.
y'avot des buqueux, des amis à chés mariés. Ch'buquoir, i'étot au moins 5 fos plus grand qu'chti d'Bébert.
Chti qui buquot y'avot eine masse. Quand i z'ont eu fini d'buquer, y'avot eine ed'ché fumée.
Eh ben su l'place ed'l'eglisse, y'a pas eine fleur qui n'a récapée . J'vos cor Bébert avec sin martiau et l'aute avec es'masse. Cha faisot eine sacrée différence.
Pendant l'noce, Bébert i'a sorti ech'pot d'champe ("Eine aute tradition p'ete"). J'espére qu'Bébert i va nous in dire plus.
Ben v'là mes gins, ch'est l'heure dé l'soupe! J'vous souhaite à tartousse ein bon aprés midi et pi à bétot.
