buquer eune tradition d'mariache (2)

ch'est vrai que BJP i peut pas s’rappeller d’tout du mariache d’eusse in file in 1988 ! pasque ch’étot l’première qui s’in allot alors i étot zému (vive zému )
Et y’avot du monde à abreuver pendant inne paire eud’jours et du fait qui trinquot tous les chinq minutes, i a des passaches qu’i n’a pas inregistré.
Quant’i parle d’eum buquoire ! i a pas vu que chétot un modéle aveuc des cotes précises, définies par des années d’expériences ! je n’dis pas « risques zéro »
Mais comparée à z’engins aveuc lesquels les copains d’euche marié i sont venus buquer al sortie d’eule messe ! chétot comme pindant la guerre d’cent ans !
Incontrolapes ! au point qui devotent amarrer l’pièche qui servot d’percuteur,
aveuc eune chaîne !
MI j’n’auros jamais utilisé des engins pareils surtout aveuc du monde autour ! i a des gins qui toustent cor !! eucht’année là, à 1 km à la ronde, i z’ont pas eu besoin d’ traité chés pétotes au soufre contre l’mildiou ! y n’avot assez suite à ch’mariache !

Mi c'jour là j’ai pas buqué, j’devos éte sérieux pasque ch’est mi qui étot chauffeur d’eule mariée aveuc eume n’auto. Voyez que BJP et s’femme i z’avotent confiance à mi d’eume confier leur Isa, eune si belle file!

L’coup d’euch’pot d’champe !, gramin d’vous doivent connaître ? cha peut éte un pot d’champe in faience de Desvres, peint à la main aveuc un œil au fond « on l’rimplit aveuc c’qu’on veut et tout l’monte y dot boire un coup ! y a des modéles, au lieu d’eune anse pour l’ténir, ch'est eune biloute !
Certaines n’veulent pas y toucher! c’pendant cha n’mord pas ! mais vaut miux savoir boire à l’espagnole !

J’ai intindu que dins l’Sud-Ouest, i font eune espéce d’soupe au boudin comme garniture et qui amènent cha à chés mariés au ti matin ! à mote i z’appellent’ cha «l’ tourin » y n’a certains qui doivent connaite?

Tout cha, cha s’perd , et ch’est ben dommache !
Bétôt y aura même pu personne pou raconter d’telles histoires