Les jardinssouv'nir ed'briquet
par BJP le, 09/03/2007Bonsoir tartousse!
Quand j'ai fini min stache d'électro à Auchel, j'me su ar'treuvé à faire l'boulot din chés taçaches avec c'qu'in appelle asteur ein tuteur ou ein parrain, ch'est s'lon.
Ein jour, qu'in faisot "briquet" avec chés traçeux, y n'a ein qui nous a raconté eine histoire soit disant vraie, qui se s'serot passé à eine tête motrice ed'tapis.
Ben souvint à chés têtes motrices ou à chés points d'chargemints, chétot ein mineur qui n'pouvot pu trop arquer dins chés chantiers.
L'ingénieur et l'chef porion du matin i faisottent l'visitent ed'chés chantiers réguliéremint.
Alors v'là:
Ch'l'ingénieur et ch'maîte i arriffent à l'tête motrice dù qué l'vieux "Dupond" i nettoie. Dupond leur dit bonjour: "b'jour monsieur, b'jour ch'maîte", cha va! Et i continue sin traval.
Bien souvint, y'avot toudis un p'tit peu d'boulonneries qui traînot su l'daisne. Ch'l'ingénieur, i ramasse ein boulon, pi i dit à Dupond: "vous voyez monsieur, et bien çà, c'est un paquet de tabac gris" (y voulot dire,ché l'prix din paquet d'gris).
Dupont i ravisse l'daisne et i ramasse ein écrou. i ravisse ch'l'ingénieur et i li tint ch'l'écrou in y disant: "t'nez monsieur v'là eine chique".
D'aprés ch'ti qui nous à raconté ch'l'histoire, in n'a jamais su c'qui s'est passé aprés.
Mi, j'l'ai jamais cru à ch't'histoire là! QUOIQUE! Quand j'su parti à chés talles j'n'ai vu des vertes et des pas mures.
A bétot mes gins.
