mémère
par annie62110 le, 13/03/2007j'vous ai souvint parlé d'mémére Louise et y'a deux souv'nirs d'elle que j'garde par de la ché z'années
d'abord ses tiots tabliers à bavettes et à bretelles in coton , i z'étotent noirs avec des tiotes fleurs blanques et des festons blancs, al n'avot in qu'j'aimos bien i étot gris avec des tiotes fleurs mauves et des festons bleus in zigzag
al étot toudis propre et coquette et al mettot toudis un tablier
aprés y avot ses ch'veux al leur apportot toudis gramint d'soin al les avot noirs et trés longs, i arrivotent din l'creux d'ses reins, al in faigeot eune longue natte , et al l'inroulot in chignon bin serré in bas de s'téte
mi j'aimos bin quand j'allos à s'maison et qu'al brossot ses ch'veux, j'avos l'impression qu'al étot l'seule à z'avoir si longs quand in est tiote in aime toudis fort s'grand'mére et quand al est partie in l'ar'grette l'reste de s'vie!!!