Les jardinsl'bruloir ach café vert
par kiki le, 14/03/2007L'bruloir ach café vert
Encore un' tiote découverte d'un l'fond d'el caffe , chest l'bruloir ach café vert qu'in brulot dins l'cour d'sus ch'trépier à gaz qui li i avot dèja bin servi avec chés lessiveuses en galva pour faire cauffer l'iau, chétot moins lourd à porter avant i fallot les mettent d'sus l'cuisinière.
Pour arvénir ach bruloir ed café qu'cha sintot bon dins l'cour avec l'fumée qu'cha faisot , in tournot l'manivelle avec ch'manche in bo pour bruler ch'café et i fallot qu'cha tourne réguliéremint sinon chétot carbonisé.
Un' fo brulé ch' café in déposot sur in grand papier d'imballache qu'in avot récupéré et in arpliot chés quates coins de ch' papier pour qu'cha continu à bruler tout duch'mint et insuite in l' laissot arfroidir pour pouvoir l'mette dins des bocaux à conserves.
Et j'vous dit pas l'bonne odeur de ch' café brulé qui voyageot dins tout ch'coron, ché voisins il sintotent pendant in bon momint.
Et insuite chétot l'dégustation de ch' bon café brulé.
cha ch'est un des meilleurs souv'nirs de m'n'infance, ch'est qu'cha imbaumot tout l'maison, et j'aimos bin faire tourner ch'café su ch'fu, chétot presqu'un jeu
cha ch'est un trésor kiki faut surtout bin y faire attintion!!!
( 1 photos) 
