ch' rémouleur

in est in 1983, i fait biau ch'est l' printemps, min tiot i dort et j'vis in appartemint
quand tout d'un coup j'intinds eune cloche dins l'rue, intriguée j'vas vire et là j'n'in r'viens pas ch'est eune camionette avec eune machine à l'arriére "un rémouleur"

dins ch'quartier tous chés gosses sont attirés par l'machine, y'a même des gins qui savent pas c'que ch'est
j'vas dins l'cuisine j'ai eune paire ed coutiaux et des cisiaux à faire aiguiser, je m'dépéche d'les porter à ch'l'artisan, et tous chés tiots qui sont autour i z'ont pas assez d'leurs yeux pour raviser fonctionner l'machine
un tiot peu al'fos y'a des voisins qui apportent du traval ach't'homme, i va gagner un tiot peu d'sous, j'sus continte pour li

aprés un bon momint i s'in r'va comme i étot v'nu, c'que j'sais pas core ch'est qu'de m' vie j'n'in verrai pu jamais, ch'étot min dernier REMOULEUR

Et bien Annie j'peux vous dire que ya pas si longtimps q'cha environ un mois et demi, qu'un rémouleur i est passé dins note rue
ech cros bin achteur que ch'est beaucoup des gins du voyage qui exercent ech métier là et ch'étot cor elle même machine à aiguiser chés coutiaux et chés ciseaux

Acoute Annie
cha dot pas ête tin dernier rémouleur passe qu'i a 3 s'maines j'in ai vu in su ch'marché d'Ganges, cha m'a fait tout drôle de l'vire, mais j'avos pas min apparèle photo, passe que mi aussi cha faisot des années que j'in avos pas vu.
Ch'étot comme dins l'temps avec inne carette à bras, des reules ed vélo, des pédales ed machine à coûte et inne meule. Franch'mint cha ma fait tout drôle d'arvir cha.
J'va y r'touner et si i est cor là je l'prints in photo, promis et j't'inverrai p'tète tin dernier rémouleur ch'coup là.
A+

photo Source : Métiers d'Autrefois illustrés sur le Net