ch'est bon d'artreuver sin Village

Ch’est bon d’artreuver sin village

D’abord ! merci à Loumarcel et à sin biau-frère Henri qui m’ont rapporté quéques préçisions, su l’Bussière d’nou jonne temps ! V’la qui faut s’mette à plusieurs pou s’rappler c’mint qu’chétot din ch’temps là ! (d’où la grande utilité De ce site !) qui nous permet de communiquer entre-nous, au fur et à mesure que certains faits nous reviennent en tête, sans savoir où les situer exactement.

Ouais ch’a m’arvient ! L’fossoyeur et cantonnier ch'étot Théo ! j’eule vois cor aveuc eusse s’ carette à 2 reules in fer presque aussi lourte à vide, que li !
Inne fourque à caillots inne pelle et inne pioche, Vlà tout sin matériel qui avot! et i étot tout seu!
Pour boucher chés nids d’glaines su chés quémins du village ! I piochot chés bords d’euch trôu , i mettot un peu d’caillos qui avot carié d’puis un mont qui avot in haut d’eule côte, et d’eule terre qui prenot au bord d’euch quémin !

In jonne garchon qui est décédé d’inne méningite ! Ch’a dot étre (Jacques Bondelue ?) Sin frère Edmond ! i a travaillé à mon Lépillet (ch’machon qui faijot aussi chés caveaux au cimetière. i z'étotent à l'école aveuc mi.
Titran aveuc sin baudet! j’l’avos din tiète , mais savos pu dû l’mette !

in continuant su l’ rue là, ch’est vrai qu’in arrivot dins chés camps in y a été prom'ner aveuc ch’maite d’école (Mr Hubert) ch’que-min i finichot in cul d’sac contre un talus d’voie ferrée qui s’rot pétète bien l’voie qui v’not du 2 bis vers ch’terril et l’centrale d’Gosnay ? ch’est à vire !
y avot aussi inne maison (type des mines) toute seule là, au bout.

Un garchon i est venu à l’école, mais chétot pas un Polonais ni un Français sin nom i finichot in …..…zuk ! A ch’momint là , l’rue d’la montée ale existot pas cor, après l’quemin rouge chétot seul'mint inne voyette jusqu’ale nationale.
Sur quemin rouge y avot aussi inne tite boutique à droite in montant ! j’cros que chétot aussi à mon Cauvet, ch’père i leur avot acaté inne grande maguette qui s’applot « chérie » mais chétot inne garce !

Bien sur que j’eum souviens d’Mr Mayeux ch’délégué ! tout l’monte l’connaichot et surtout au momint d’eule grève in 48 ! Chés mineurs d’Bruay sont allés manifester à l' sous-préfecture à pieds ! y a eu des dégats l’long d’la route
et à Béthune !
J’eum souvient que ch’père i est v’nu nous querre à l’école au milieu d’l’après midi ! in restot prés d’eule centrale, et l’soir ! y avot inne sentinelle armée au bout d’euch' gardin !
L’aute jour in parlant d’chés familes qui ont resté dins chés baraquements derrière l’salle des fétes, j’ai parlé d’eule famile Vénache ! Hé ben Mme
Vénache, ale est cor là! ale reste à Haillicourt ale a eu 94 ans ch’t’année !
Bon pour mi, cha suffit pour aujourd’hui, si cha vous dit, vous pouvez rajouter un morciau !

Bon diminche à tous, et grand merci à Marie-Claire de nous avoir transmis l’intégrale de l’canchon « Ajouque-te »

Bonsoir à tertous, un petit mot d'ech paragraphe d'sur quémin rouge avec la grande maguette qui s'app'lot - chérie - mais chétot in belle garce.
Et bin mes gins j'vous prie d'croire que j'ai bin rigolé etj m'intindos pas à chelle la.
Chapeau pour tous les souvenirs évoqués.
Bon diminche à tous.