Les jardinssouvenir d'eune inconnue !!
par annie62110 le, 22/03/2007in 1980 eune vieille femme étot décédée sans famille, et pour récupérer deux loyers chés bailleurs ont fait vindre aux enchéres tout c'qui étot resté dins l'appartemint
oh y'avot pas grand cosse à part des objets personnels, eune cuisine et eune chambre, mais de m'maison j'ai pu constater qu'y avot du monte in deux heures ed temps tout i étot parti
l'femme qui étot réquisitionnée pour nettier l'appartemint al m'a app'lée, tout i étot vide et su l'sol y'avot plein d'papiers d'lettres et d'photos piétinées, tout eune vie par terre
dins un coin j'ai vu un chiffon rose tout sale, j'ai ravisé, chétot un tiot corsache comme in les faigeot dins les années 1900 in organdi avec des brod'ries et des tiots boutons d'nacre
j'sus sure qu'chétot eune gamine qui avot porté cha, paceque l'taille haute al étot si minuscule que cha avot du être fait pour eune infant
pou l'mémé qui v'not d'nous quitter cha devot être un vieux souv'nir et pou l'avoir gardé toutes chés z'années al devot y't'nir
alors j'l'ai pris j'l'ai lavé, et cha fait des zannées qu'i est dins m'n'armoire, j'ai toudis eu l'impression d'avoir fait eune bonne action !!!
