allo !!!
par annie62110 le, 30/03/2007quand nos vieux y zont eu ch'téléphone, chétot eune vraie révolution dins leur façon d'vivre
mi m'belle mére quand al l'a fait mettre al avot au moins soixante cinq ans au début al s'in servot pas gramint chétot trop nouviau et un tiot peu au coup al l'a apprivoisé
l'diminche al dinot souvint à m'maison, quand m'n' homme i l'avot r'conduit al m'téléphonot pou dire qu'al étot rintrée, comme m'n'homme i étot rintré aussi j'étos au courant
ou alors al m'app'lot pour savoir si cha fonctionnot toudis ou pour savoir si j'l'avos pas app'lée
bref y'a fallu un tiot momint d'adaptation et j'cros qui n'avot gramint comme elle
ch'est vrai aussi qu'dins leur vie al zont vu l'modernisme s'installer, al sont passées des bidets à l'auto, de l'lampe à pétrole à l'éléctricité, toute leur vie al a suivi l'cours d'l'évolution de ch'siécle passé
et comme al zétotent souvint nées dins les zannées 1900, chétot des vraies pionniéres !!!!