l'ducasse du n° 3 à Bruay en Artois

Bonjour tertous
quand j'étais jone mes grands parints habitotent sur l'plache du bas au n°3 d'Bruay. quant y'avot l'ducasse, ches forains vénottent querrent del l'io et en remerchimint y donotent des tickets pour monter sur chez manéches.
j'montos toudi sur les vélos zazoux. un manèche tenu par m.Jean LEGRAND. i faisot l'pompom avec un'tête d'homme en platre au bout d'une tige en fer.
Dins l'bouque d'el tête y métot un ticket et nous autes in essayot d'l'attraper.

Y'avot l'marchande d'nougat qu'in appelot grand mère, l'tire à l'carabine et un manèche pour chés tiots avec Roland (y manquo un oeil), les autos scooter avec Crunelle et sur l'coin au début del rue des écoles y avot une loterie avec un rat qui tournot dans des pétites cases pour choisir les numéros.

Que d'bons souvenirs et merci à tous chez forains pour la joie à ch'momint là et pour les souvenirs d'asteur.

Pour info, m et mme Cunelle tiennent DENNLYS parc à DENNEBREUCQ (62). Allez y faire un tour.
Si vous avez des nouvelles des autes forains ....

mi j'a bien connu le Dennlys Parc à Dennebroeucq, chétot nou tiot parc d'attractions familiale, Dennebroeucq cha s'situe dins l'audomarois à inviron 10 kms d' Thérouanne in allant vers Fauquembergues

y avot pas chés grantes attractions qu'in vot asteure mais in y passot des bons dimanches après midi, j'em souviens intre autre d'un orgue automatique à l'intrée et y avoir appris là à marcher aveuc des échasses..
y avot des tonneaux , des vélos "excentriques" , tous chés trucs là, et un pétit train j'cros bien
y a bien longtemps que j'y sus pas allée et j'sais pas commint ch'est asteure

mi j'ai connu el chenille ar'couverte qui étot sur el place ed'la Martinique à coté d'ech' bal monté, et intr'autre, el'lot'rie Raymond qui etot in haut d'el rue ed' Bordeaux.