l'quinzinne au 3 d'Vermelles
par potié vital le, 04/04/2007ch'père i avot pas querre aller à l'quinzinne alors chétot mi qui y allot .
j'étos pas vieux quand j'ai comminché à y aller, l'cour d'fosse j'l'ai connue de bonne heure.
cha s'faisot à ch'guiget d'chés bureaux, fallot faire la queue , et pis après , cha s'a fait au lavabo à l'intrée chétot mieux pour chés gins in étot pu dehors.
y avo eune grante pièche avec des tapes et d'sus chés tapes des piles d'billets d'banques , au moins 1 mète pour certaines piles.
chétot impressionnant d'vire cha j'y allos d'bonne heure et j'étos aux premières loches i n'avot des sous d'sus l'tape , l'paye des ouvriers de l'fosse. in intindot sin tour , in disot sin nom et ch'comptape i nous donnot l'fiche d'paye et chés sous. chétot comme cha !
al sortie al porte y avot toudis eune quète pour un malate
in mettot s'n'obole dins un bidon à masque à gaz , et j'm'inr'nalo in faisant intintion in serrant bien chés sous dins m'poche
s'ros curieux d'vire eune photo de tous chés sous su l'tape