Les jardinsPâques dins ch'gardin
par annie62110 le, 05/04/2007in 1954 y'avot pas longtemps qu'in habitot derriére l'hopital Ste Barbe à Fouquiéres et chétot l'jour ed Pâques
in avot des voisins polonais "Mietek Rosa et leur fille ed 18 ans Hélène", au matin d'bonne heure i sont v'nus nous caire in savot pas pour quoi et mi et m'tiote soeur Jacqueline in n'in ménot pas large, in les connaichot pas gramin
arrivés à leur maison in s'est r'trouvées toutes les deux dins ch'gardin, et la i nous ont dit qu'chés cloches al z'étotent passées et qui fallot cacher aprés chés z'oeufs d'Pâques
dins un tiot parterre ed fleurs cachés dins chés jonquilles y avot des tiots napp'rons in papier un tiot peu partout avec des bonbons "tiots oeufs à l'liqueur, meringues, poules in chuc roses, tiotes poules sur un rond d'chocolat"
in étot ébahies in n'avot plein nos mains, mais j'cros qu'les plus contints chétot nos voisins d'vire des tiots infants dins leur gardin ch'jour ed Pâques, et pour mi ch'est toudis resté un biau souv'nir d'infant!!!
un d'cheux qui vous font croire in l'humanité!!!
