Les jardinsles pieds d'ché mineurs!!
par annie62110 le, 10/04/2007quand papa i travaillot core je m'souviens qu'i avot toudis mal à ses pieds, chétot un vrai calvaire, l'plante ed ses pieds al étot blanque et crevassée
comme au fond i faigeot caud et qu'chés mineurs i z'avotent toudis des grosses bottines ou des bottes ed coutchouc si i travaillotent dins l'iau, i'n'a gramin qui avotent leurs pieds esquintés
min pére quand i étot al maison i mettot souvint des espadrilles bleu marine in toile
l'pire pour li ch'est quand i devot mette ses souliers du dimanche
pourtant in allot al pharmacie caire des "saltrates rodell" pour prindre des bains d'pieds et i les passot aussi au pinceau avec d'l"ephydrol" mais i avot rin à faire
i a été tranquille avec ch't'affaire là que quand i a pris s'retraite, cha vous donne eune idée du temps qui à mis pou guérir cha!!!
