Les jardinsla distribution des prix
par minloute le, 31/05/2005Cha chéto un événement, à la fin de l'année in récompenso les meilleurs.
J'va vous raconter eune histoire qu'ale est vraie, j' l'ai ptete déja raconté, comminchez pas à croire que j' blabatte du cerveau, mais mes gins, in peut dire que j'in ai mis des sujets such' site alors escusez meu, si j' fais eune redite.
Bon, j' raconte m' n' histoire, min père i arriffe deuxième à la fin de l'année, in li donne in liffe, pi plus tard, un voisin i d' minte si i peut pas avoir ech' liffe, l' mère à min père ale li prête, pi comme cha arriffe souvint, l'aute i oublie d' rinte ech liffe.
Y a queques zannées, y a eune personne qu ale buque al' mason d' mes parents, et ale ramène ech liffe, le monsieur qui l'avo i éto décédé et s' fille quand qui zont fait l' distribution d' c'qui avo ass' mason ale a récupéré entre autes ech liffe, ale le feuillette, i avo l' nom d' min père et sin prénom, elle le connaisso alors ale est v'nue li rinte plus de 60 ans après .... ché véridique.
