Les jardinsles espadrilles
par potié vital le, 10/04/2007j'ai comminché au fond le 15 décembre 1954 et in ch'temps là les chaussures d'sécurité cha existot po cor. ou alors chétot pas obligatoire. in mettot des espadrilles.
chés espadrilles i étotent confortapes et i avotent des grosses semelles in caoutchouc rouche et un petit peu rinforcées su l'dessus à zortelles.
in allot les acater al coopératif, in vindo d'tout pour l'fosse et chétot del qualité . cha dépindot de c'qu'in faisot au fond mais j'faisos bien 6 mos avec eune paire d'espadrilles
quand in a été obligé d'mette des chaussures d'sécurité pour beaucoup cha a été un calvaire et in les payot, aussi in les faisot durer, mais y a beaucoup d'mineurs qui ne les indurotent pas. ch'est vrai que les accidents ont baissé et pis avec l'temps.
ch'cros bien qu'ch'est in 1956 que cha a été obligatoire, faudrot arcacher sur équette.
