Les jardinsché pieds d' cochon
par minloute le, 11/04/2007nan pas grillés , mais al' vinaigrette avec du persil
quand qu' min père i mingeo cha , t avo l impression qui s' metto del vinaigrette jusqu in haut des zorelles
i mingeo cha comme un tchien sur un oche
cha m est arrivé d in minger, mais chéto nin l' plat que j' préféro quand meme mais ché vrai un coup d' temps en temps
chéto nin qui mingeo du pied d' cochon, chéto plutot un combat d' catch.. in savo pas qui y allo gagner, pasque i avo aussi des drames, i suffiso que ch' coutiau i gliche et qui s ouffe l' pio, ché arrivé un coup , bon , toute el cité du 2 ale l a su ...
y a crié un MEEEEEEEEEEEEEERRRRRRRRRRRRRRRRTTTTTTTTE
alors m' mère toute affolée qu ale dit mais quo qui t arriffe et min père i arméto eune couche, bin teul vo nin ! alors m' mère , mère courache, ale s' précipito pour soigner cha, min père i resto nan pas stoique, mais i ralo interieur'mint, si j' diso beurk, bin j avo dro aussi a eune réflexion, que m' mère in arrivant , ale devo s' batte pour attraper l' main a min père, tel'mint qui l' bougeo d enervemint ....
ah pourtant il l' aimo s' n odette, mais que caractère d' cochon, sans les pieds, qui avo .......
mais i avo del volonté , s' main bandée , i rattaquo ch' pied d' cochon .....
