Jubilé,poème patoisant 50 ans de mariage

Pour NaniAlbi

Jubilé

Quand in a passé tout’eun' vie insonne
Qu’pindant chinquante ans in a eu à deux
In union sereine,
Et qu’la maladie al nous apareine,
In peut dire un grand merci au Bon Dieu,
Quand in a passé tout’eun' vie insonne
Ch’est un don du Ciel d’ête incor à deux.

Quand in a passé tout’eun' vie insonne
Qu’in a des infants et des p’tits infants,
Des garchons, des fil’,
Qu’in est à la tête d’eun' petite famil’,
Qu’in est intouré d’tout plein d’affection,
Quand in a passé tout’eun' vie insonne
In est bin contint d’avoir des infants.

Quand in a passé tout’eun' vie insonne
Et qu’autour de nous y a des gins tout seu
D'puis d' zannées,
In a beau dire : « ch’est la destinée
Ils arottent pû comme nous êtes heureux »
Quand in a passé tout’eun' vie insonne
In a bin d’la chance d’ête incor à deux.

Quand in a pasé tout’eun' vie insonne
In sait bien qu’cha n’a pas été tout seu
Et pas sans misère,
In a ouvré dur, in a eu la guerre,
In a toudis tout partagé à deux
Quand in a passé tout’eun' vie insonne
In a des souv’nirs qui sont à nous deux.

Quand in a passé tout’eun' vie insonne
Et qu’l’un d’nous aut’ deux i va s’in aller
Pour eul grand voyach,
In n’a qu’un désir, ch’est d’partir à s’plache
Tell’min qu’in a peur ed rester tout seu
Quand in a passé tout’eun' vie insonne
In devrot pouvoir s’in aller à deux.

Bonjour à tous , frinchemint j'ai été surpris d'el rapidité qu'ech poème d'mandé par NaniAlbi i s'a artrouvé su ch' site, ch'est vraimint du libre service
incor' merci gramint à Roger car je n'connaissos pas ce poème patoisant. Bonne journée à tous.

ouais kiki ch'est vrai que ch'est du service rapite, merci à Roger , mi j'a caché l'auteur mais j'a pas trouvé

Grand merci Roger pour avoir mis aussi rapidement le poème sur les 50 ans de mariage!
ch'est du subito-presto! vraimint , un'saura jamais dégoter les gars du Nord et du Pas-de-Calais! ch'est les meilleux!
merci