vendredi 13 !
par annie62110 le, 13/04/2007mi j'avos eune mére et eune grand'mére fort superstitieuses, l'vendredi 13 al sortotent point!!
un capio sur un lit ch'étot l'débacle al maison, pas d'souliers sul'tape, pas d'parapluies ouverts dins l'maison, pas d'pain à l'invers
la grand'mére al récitot l'ave maria , et y'avo gramin d'choses comme cha
bin sur fallot pas passer d'sous eune echelle et chés pauves cats noirs i zont du r'gretter d'ete vénus au monte de l'couleur la
faut dire qu'avant ches vieux i croyotent gramin aux j'teurs ed sorts!!! et qui préferotent souvint ch'l'arbouteux à ch' méd'cin
tout c'que té dis j'l'a intindu à m'mason, y avot aussi ches coutiaux in croix et pis d'autes qu'in a oublié
et m' grand mère ch'étot pas qu'ches vendredis 13 qu'all' avot pas ker, ch'étot tous ches vendredis ..., all' aurot jamais rien intrepris d' nouviau un vendredi
faut dire qu'all' dijot qu'tout c'qui i étot arrivé d'pas bien dins s'vie cha s'étot passé un vendredi, alors forchèmint
cha m'rappelle aussi eune expression qui dijot "qui rit vendredi, diminche braira" , l'vendredi i traine comme cha eune réputation à part
et sans ete superstitieuse outre mesure y a deux trucs qui m'sont restés, et j'sauros pas dire pourquoi mais ch'est des trucs d'jeunesse qui sont encrés sur'mint, j'évite d'mette ches coutiaux in croix et ch' pain à l'invers, y a ptete là el respect du pain aussi qu'in avot quand in étot jones !!