le cabaret rouge achteure

ch' cabaret rouge ché eune ferme auberge, in avo l habitute quand qu min père i éto cor là d aller y minger l' diminche ed paques
j avo ker y aller d abord pour ech cade, té rinte dinl' ferme, cha sint pas la fleur, ché bon sine ...... ché du naturel, plus loin té vo ché glaines dinl' cour, ché bon sine aussi....
l' nourriture, du naturel mes gins, bon ché pas là qui faut d'minder un steack haché, mais ché del volaile qu' té minches , del volale, avec des légueumes .....des légueumes, des pétotes mes gins , cha fond dinl' bouque, aprés eune paire ed coups ,l' dame al' savo ,ale préparo du rabe pour minloute, des pétotes comme qu in n in mingeo quand qu in éto tchiot .....
pi ch' pinard, y a du bon , nan vraimint un cadre sympathique
t arsors ed là, l' pinche bin pleine, alors pour s' détende les gampes in allo au cim'tiere inglais juste au d' sus , à moins d' cent mètes
là silence, rigueur, propreté, pas un brin d herpe qui dépasse, pas eune plaque qu ale est pas comme au premier jour, y a souvint des "touristes" inglais qui viennent par chi , à tous les coups des descendants d' combattants

d' là , té comprint miu ché combats qui a eu par chi
l' mémorial d' vimy i parait tout proche, t as pas eune pente ed dingue pour y monter , comme si té s'ro in bas , à souchez, ché pas pour cha que cha a été facile d 'l arprinte ch'te colline
d' l aute coté , té vo l' épine dorsale del grante colline , avec l antenne ed bouvignies, verdrel, l' foret d ohlain, et par chi lorette, tchiot bout d' terrain, au bout du bout del colline, qui fallo pas qu' les allemands i zalent pu loin
ché vraimint un coin qu on sint qu ichi cha du et' l enfer